Tarantella! Si Agerola e’ bella,

dint’ autunno cchiu’ bella se fa:
ll’aria e’ fresca e c’ ‘a luna novella,
quanta suonne se ponno sunna’
Iate, iate p’ ‘o mare d’argiento,
suonnne doce, parole e suspire:
ncopp’ ‘e scelle liggiere d’ ‘o viento
iate, iate luntane a vula’!…
Oi luna nova,
Cchiu’ ghianca d’ ‘a cera
Bonasera!
Tarantella! ( nu suonno e’ sta vita,
ma pigliammece ‘o meglio ca da’…)
Si a canta’ chesta luna ce mmita,
iammo, iammo a vederla spunta’!
Iammo a Ponta! E assettate e guardammo
Tanta stelle ca luceno cielo,
lassamm’ ‘i sti penziere addo’ vanno,
a addo’ vonno pe forza vula’!
Oi luna nova,
Cchiu’ ghianca d’ ‘a cera
Bonasera!